Машҳур инсайдер Фабрицио Романо Юрген Клоппнинг Мадриднинг «Реал» клуби бош мураббийи этиб тайинланиши мумкинлиги ҳақидаги маълумотлар билан бўлишди.
Сўнгги кунларда «қаймоқранглилар» немис мутахассисини кўндириш истагида экани ҳақидаги хабарлар тобора авж олмоқда. Шунга қарамай, Романонинг таъкидлашича, вазият ўзгаришсиз қолмоқда: «Реал» Клоппнинг ўзи биринчи қадамни ташлашини ва мураббийлик фаолиятига қайтишга тайёр эканини аниқ билдиришини кутмоқда. Агар «Ливерпуль»нинг собиқ устози ўз номзодини таклиф қилса, Испания гранди у билан мамнуният билан аниқ музокаралар олиб боради.
Эслатиб ўтамиз, 2025 йил бошидан буён Юрген Клопп «Red Bull» компаниясининг футбол бўлими раҳбари лавозимида ишлаб келмоқда.
