Мадриднинг «Реал» клубида немис мутахассиси Юрген Клоппнинг малакаси юқори баҳоланади, аммо у энди «қаймоқранглар» бош мураббийи лавозимига номзод сифатида кўриб чиқилмаяпти. Бу ҳақда AS нашри хабар берди.
Манба маълумотига кўра, Клопп Германия терма жамоасини бошқариш имкониятини кутмоқда, бироқ у амалдаги бош мураббий Юлиан Нагельсманнинг ишига ҳурмат билан қарайди. Германия терма жамоасини бошқариш имконияти пайдо бўлгунга қадар Клопп Red Bull гуруҳида спорт директори вазифасини бажаришда давом этади.
Аввалроқ ОАВ Клопп «Қироллик клуби» бош мураббийлиги учун асосий номзодлардан бири эканини таъкидлаган эди.













