Португалиянинг SIC телеканалига интервью берар экан қироллик клуби бош мураббийи Жозе Моуриньо шахсий ютуқларга эътибор бермаслигини ва сўнгги вақтларда мураббий сифати ўсишга эришганини таъкидлаб ўтди.
"Минг шукрки, ҳаммаси мен учун ажойиб кечмоқда. Шу кунларда ҳамманинг эътибори кўпроқ менга қаратилган. Эллик йилдан буён чемпионлар лигасини қўлга киритмаган "Интер" билан муваффақият қозонганим ёқимли, албатта. Бу ғалабалар мени олдинга бошлаши ва шахсий ютуқлардан кўра жамоавий ютуқларни афзал билишга ундайди" дедйи Моуриньо.
Шунингдек, португалиялик мутахассис "Порту" билан Португалия чемпионатида икки марьа, "Челси" билан Премьер лигада бир марта, "Интер" билан А серияда ва "Реал" билан Ла лигада бир мартадан чемпионликни қўлга киритганлигига алоҳида тўхталиб ўтди.
"Сизга ёқадими йўқми, лекин мен дунёнинг энг кучли учта чемпионатида ғалаба қозонган ягона мураббийман. Шундай экан, Энди мени одамлар "The Special One" ўрнига "Only One" (инг. яккаю ягона - изоҳ: stadion.uz) деб чақиришлари мумкин" дея ўзига баҳо берди Моуриньо.
Эслатиб ўтамиз, Моуриньо 2004 йилда "Челси" клубига янги бош мураббий этиб тайинланганида ўзини “The Special One” атаган эди.
