FiveThirtyEight superkompyuter loyihasi Premyer-liga natijalari bo‘yicha o‘z bashoratini yangiladi.
17 ta o‘yindan so‘ng "Liverpul" Chempionlar Ligasi zonasidan 7 ochko ortda qolmoqda. Ammo Klopp jamoasi baribir chempionatning kuchli to‘rtta jamoasidan joy olishga da’vogar sanaladi.
Shu bilan birga, superkompyuterning yangilangan prognozlariga ko‘ra, mavsum yakunida “qizillar” turnir jadvalida atigi beshinchi o‘rinni egallaydi.
Klubning Chempionlar ligasi zonasiga kirish ehtimoli 48 foizga baholanmoqda. Qizig‘i shundaki, "Liverpul"ning to‘rtinchi o‘rin uchun asosiy raqibi hozirda ushbu o‘rinni egallab turgan "Manchester Yunayted" emas, balki "Nyukasl" bo‘ladi. Ularning Chempionlar ligasi zonasi uchun imkoniyatlari 49 foiz deb baholanmoqda.
