"Manchester Yunayted"ning o‘ng qanot himoyachisi Aaron Uan-Bissaka hamon "Vulverxempton" klubining transfer maqsadi bo‘lib qolmoqda.

"Bo‘rilar"ning 25 yoshli futbolchiga qiziqishi qishki transfer oynasi ochilishidan avval ham ma’lum bo‘lgandi.

Sky Sports nashri xabariga ko‘ra, klub hali ham Uan-Bissakani o‘z safiga olib kelishni kutmoqda, biroq "Manchester Yunayted" futbolchini mavsumning o‘rtasida qo‘yib yuborish yoki yubormaslikni hali aniq bilmayapti. Erik ten Xag himoyachini rotasiya varianti sifatida ko‘rmoqda, shuning uchun murabbiy uning ketishini ma’qullamaydi.

Aaron Uan-Bissaka 18 million yevroga baholanmoqda. Angliyalik futbolchi joriy mavsum “qizil iblislar” safida 6 ta o‘yinda maydonga tushdi.