"Манчестер Юнайтед"нинг ўнг қанот ҳимоячиси Аарон Уан-Биссака ҳамон "Вулверхэмптон" клубининг трансфер мақсади бўлиб қолмоқда.
"Бўрилар"нинг 25 ёшли футболчига қизиқиши қишки трансфер ойнаси очилишидан аввал ҳам маълум бўлганди.
Sky Sports нашри хабарига кўра, клуб ҳали ҳам Уан-Биссакани ўз сафига олиб келишни кутмоқда, бироқ "Манчестер Юнайтед" футболчини мавсумнинг ўртасида қўйиб юбориш ёки юбормасликни ҳали аниқ билмаяпти. Эрик тен Хаг ҳимоячини ротация варианти сифатида кўрмоқда, шунинг учун мураббий унинг кетишини маъқулламайди.
Аарон Уан-Биссака 18 миллион еврога баҳоланмоқда. Англиялик футболчи жорий мавсум “қизил иблислар” сафида 6 та ўйинда майдонга тушди.
