Avval xabar berilganidek Qo‘qonliklar mavsumga tayyorgarlik jarayonlarini boshlab yuborishgan.
Murabbiylarning rejalariga ko‘ra tashkil etilishi lozim bo‘lgan “Andijon SGS” va “Do‘stlik” jamoalari bilan bo‘ladigan o‘rtoqlik o‘yinlari ob-havoning keskin sovub ketganligi bois bekor qilingan. Mehmon jamoalar Qo‘qonga kela olmasliklarini bildirishgan. Jamoa a’zolarining so‘nggi kunlardagi mashg‘ulotlari yopiq sport majmuasida bo‘lib o‘tdi. Jamoa bosh murabbiyi Davron Fayziyev futbolchilarning sog‘liklarini o‘ylagan holda jamoa a’zolariga 18 fevral kuniga qadar tanaffus e’lon qildi.
Jamoaning navbatdagi o‘quv-yig‘in mashg‘ulotlarini ham Qo‘qon shahrida olib boradi. 25 yanvardan boshlab esa “Farg‘ona viloyati xokimi kubogi” turnirida ishtirok etadi.
