Londonning "Arsenal" klubi derbida "Tottenxem"ni mag‘lub etib, ta’qibchilaridan uzoqlashishga muvaffaq bo‘ldi.

Uchrashuv 2:0 hisobida Mikel Arteta shogirdlarining g‘alabasi bilan yakunlandi. Avvalroq, “kanonirlar”ning asosiy ta’qibchisi “Manchester Siti” “Manchester Yunayted”ga imkoniyatni boy bergandi (1:2).

Shu tariqa, bugungi kunda "Arsenal" eng yaqin ta’qibchisini 8 ochkoga ortda qoldirmoqda, bu 2003/04 yilgi mavsumdan beri birinchi marta sodir bo‘ldi, deya qayd etdi Opta portali.

O‘sha mavsumda Arsen Venger boshchiligidagi jamoa chempionatda birorta ham mag‘lubiyatga uchramagandi va ikkinchi o‘rindagi "Chelsi"dan 11 ochko farq bilan chempionlikni qo‘lga kiritgandi.

"Arsenal" keyingi turda "Manchester Yunayted"ni qabul qiladi. Uchrashuv 21 yanvar kuni bo‘lib o‘tadi.