Hujumchi Roberto Firmino "Liverpul"da qolishni afzal ko‘rmoqda. 31 yoshli braziliyalikning amaldagi shartnomasi joriy mavsum oxirida yakuniga yetadi.
“Bu yerda buyuk futbolchilar, futbol yulduzlari yonida yuqori saviyada o‘ynash aql bovar qilmaydi. Men bu yerda ekanligimdan xursandman va “Liverpul”ga yordam berish uchun qolish niyatidaman”, dedi Firmino “Liverpul” klubi kanaliga bergan intervyusida.
Roberto Firmino "Xoffenxaym"dan transfer qilinganidan keyin 2015 yilning yozidan beri "Liverpul"da o‘ynamoqda. O‘shandan beri braziliyalik hujumchi mersisaydliklar safida 348 ta rasmiy o‘yin o‘tkazgan. Ularda Firmino 107 ta gol urdi va 78 ta golli uzatmani amalga oshirdi.
