Yevropa futbol assosiasiyalari ittifoqi (UYEFA) Turinning “Yuventus” klubiga nisbatan qattiq sanksiyalar qo‘llash imkoniyatini ko‘rib chiqmoqda.
Italiya klubi moliyaviy firibgarlik tufayli yevrokuboklardan chetlatilishi mumkin.
2021 yilda "Yuventus" moliyaviy feyr-pley qoidalarini buzgani uchun 3,5 million yevro jarimaga tortildi. Agar yaqin uch yil ichida "oq-qoralar"ning yangi qoidabuzarliklarga yo‘l qo‘ygani isbotlansa, jarima miqdori 23 millionga oshadi. Agar moliyaviy hisobotni qo‘pol ravishda buzgan bo‘lsa, klub 1 yildan 3 yilgacha Yevropa musobaqalaridan chetlashtirilishi mumkin.
Oldinroq, aynan shu ishlar tufayli "Yuventus"dan A Seriyada 15 ochko olib tashlandi. Turin klubi bu qaror ustidan apellyasiya bergandi.
