Европа футбол ассоциациялари иттифоқи (УЕФА) Туриннинг “Ювентус” клубига нисбатан қаттиқ санкциялар қўллаш имкониятини кўриб чиқмоқда.
Италия клуби молиявий фирибгарлик туфайли еврокубоклардан четлатилиши мумкин.
2021 йилда "Ювентус" молиявий фейр-плей қоидаларини бузгани учун 3,5 миллион евро жаримага тортилди. Агар яқин уч йил ичида "оқ-қоралар"нинг янги қоидабузарликларга йўл қўйгани исботланса, жарима миқдори 23 миллионга ошади. Агар молиявий ҳисоботни қўпол равишда бузган бўлса, клуб 1 йилдан 3 йилгача Европа мусобақаларидан четлаштирилиши мумкин.
Олдинроқ, айнан шу ишлар туфайли "Ювентус"дан А Серияда 15 очко олиб ташланди. Турин клуби бу қарор устидан апелляция берганди.
