O‘zbekiston futbol assosiasiyasida Osiyo futbol konfederasiyasi Yoshlar kengashi a’zolari Seed Mirshad Majedi va Bassem Muhammad bilan uchrashuv bo‘lib o‘tdi.
Mutaxassislar Osiyo futbol konfederasiyasi Elita yoshlar futboli reglamentining uch yulduzli elita yoshlar sxemasiga to‘liq a’zolik uchun O‘FA tomonidan topshirilgan arizani baholash maqsadida yurtimizga tashrif buyurishdi.
OFK vakillari o‘zbekistonning bolalar, o‘smirlar va yoshlar futboli bilan yaqindan tanishish va futbol akademiyalar faoliyatini o‘rganishni boshlashdi. 27 yanvar sanasiga qadar davom etadigan o‘rganishlardan so‘ng futbol akademiyalari, professional futbol klublari qoshidagi akademiyalar yuzasidan xulosalar taqdim etiladi.
