Xalqaro futbol federasiyasi tartib-intizom qo‘mitasi JCH-2022 guruh bosqichidan o‘rin olgan Urugvay va Gana terma jamoalari o‘rtasidagi o‘yin (0:2) yakunlari bo‘yicha hukm chiqardi, deb xabar bermoqda FIFA sayti.
Urugvay terma jamoasining to‘rt nafar futbolchisi diskvalifikasiya qilindi: Xose Mariya Ximenes va Fernando Muslera to‘rtta o‘yinga, Edinson Kavani va Diyego Godin esa 1 ta o‘yinga diskvalifikasiya qilindi.
Shuningdek, barcha futbolchilar 15 000 dan 20 000 Shveysariya frankigacha jarima bilan jazolanadi.
O‘yin tugaganidan so‘ng Janubiy Amerika jamoasi futbolchilari hakam oldiga yugurib borib, ganaliklar darvozasiga penalti belgilamagani uchun undan norozi bo‘lishdi. Shuningdek, Kavani FIFA rasmiylarini ham haqorat qilgan va ataylab VAR monitorini urgan.
Urugvay futbol assosiasiyasi 50 000 Shveysariya franki miqdorida jarimaga tortildi, mamlakat milliy terma jamoasining bitta rasmiy uy uchrashuvi muxlislar uchun yopiq darvoza ortida o‘tkazilishi belgilandi.
