Халқаро футбол федерацияси тартиб-интизом қўмитаси ЖЧ-2022 гуруҳ босқичидан ўрин олган Уругвай ва Гана терма жамоалари ўртасидаги ўйин (0:2) якунлари бўйича ҳукм чиқарди, деб хабар бермоқда ФИФА сайти.

Уругвай терма жамоасининг тўрт нафар футболчиси дисквалификация қилинди: Хосе Мария Хименес ва Фернандо Муслера тўртта ўйинга, Эдинсон Кавани ва Диего Годин эса 1 та ўйинга дисквалификация қилинди.

Шунингдек, барча футболчилар 15 000 дан 20 000 Швейцария франкигача жарима билан жазоланади.

Ўйин тугаганидан сўнг Жанубий Америка жамоаси футболчилари ҳакам олдига югуриб бориб, ганаликлар дарвозасига пенальти белгиламагани учун ундан норози бўлишди. Шунингдек, Кавани ФИФА расмийларини ҳам ҳақорат қилган ва атайлаб ВАР мониторини урган.

Уругвай футбол ассоциацияси 50 000 Швейцария франки миқдорида жаримага тортилди, мамлакат миллий терма жамоасининг битта расмий уй учрашуви мухлислар учун ёпиқ дарвоза ортида ўтказилиши белгиланди.