Iqtidorli himoyachi Malo Gyusto «Chelsi» futbolchisi bo‘lishdan oldin tibbiy ko‘rikdan o‘tgan. Bu haqda nufuzli insayder Fabrisio Romano ijtimoiy tarmoqlarda gapirib berdi.
19 yoshli Malo Gyusto tez orada «Chelsi» bilan shartnoma imzolaydi. Shu bilan birga, himoyachi 2022/2023 yilgi mavsumni «Lion»da yakunlaydi.
«Chelsi» Malo transferi uchun «Lion»ga 30 million yevro to‘lashi kutilmoqda.
Gyusto «Lion» akademiyasining bitiruvchisi hisoblanadi. «To‘quvchi»larning birinchi jamoasi safida himoyachi 54 ta rasmiy o‘yin o‘tkazdi.
