«Bavariya» yarim himoyachisi Maykl Olise Myunxen klubi rahbariyatiga yozgi transfer oynasida uning «Real»ga o‘tishini ko‘rib chiqish bo‘yicha murojaat qilmagan. Jurnalist Florian Plettenbergning xabar berishicha, 24 yoshli fransiyalik futbolchi klubga hech qanday muzokara olib bormaganini va Ispaniya grandi vakillari bilan aloqada bo‘lmaganini tasdiqlagan. Futbolchi «Bavariya» safidagi o‘yinlariga e’tibor qaratgan va yaqin kelajakda jamoasini o‘zgartirish variantini ko‘rib chiqmayapti.

Avvalroq OAVda «Real»ning qiziqishi haqida xabarlar paydo bo‘lgandi. Unda madridliklar myunxenliklar yetakchilaridan birining transferi uchun taxminan 220 million yevro sarflashga tayyorligi aytilgandi. Biroq muzokaralar haqidagi ma’lumot o‘z tasdig‘ini topmadi.

O‘tgan mavsum Olise uchun faoliyatidagi eng yaxshilaridan biri bo‘ldi. Fransiyalik futbolchi Germaniya chempionatida 32 ta o‘yin o‘tkazib, 15 ta gol urdi va 19 ta samarali uzatmani amalga oshirdi.