«Roma» bosh murabbiyi Joze Mourinyo Italiya chempionatining 20-turi doirasidagi «Napoli»dan uchralgan mag‘lubiyat (1:2) haqida fikr bildirdi va neapollik hujumchi Viktor Osimxenni Didye Drogba bilan solishtirdi.
Portugaliyalik mutaxassis hujumchini tez-tez simulyasiya qilishda aybladi.
«Viktor Drogbaga o‘xshaydi, faqat Didye maydonga tez-tez yiqilavermasdi. Osimxen kelajakda Angliyaga ketmoqchi bo‘lsa o‘zgarishi kerak.
Italiyada bunday xatti-harakatlar kechiriladi, ammo Angliyada bu qat’iy baholanadi. Agar Viktor o‘zgarsa, hammasi yaxshi bo‘ladi. Agar puli katta klubda ishlaganimda u bilan shartnoma imzolagan bo‘lardim.
O‘yindan so‘ng men unga ajoyib gol urgani va bunchalik simulyasiyani to‘xtatish kerakligini aytdim.
Gol haqiqatan ham chiroyli bo‘ldi, u bizga qarshi birinchi davra o‘yinida xuddi shunday qildi. Osimxen - fantastik hujumchi, ammo u simulyasiya qilishni bas qilishi kerak», - dedi Mourinyo.
