Rossiya futbol ittifoqi rahbari Aleksandr Dyukov bir kun avval Osiyo futbol konfederasiyasi (OFK) Kongressi bo‘lib o‘tgan Bahraynga tashrif buyurdi.
"Sport-Ekspress" xabariga ko‘ra, u yerda Rossiya delegasiyasi RFIning UYEFAdan OFKga o‘tishi mumkin bo‘lgan masala yuzasidan muzokaralar o‘tkazayotgan edi.
Natijalar ijobiy bo‘ldi. Ma’lum bo‘lishicha, Osiyo mamlakatlari futbol vakillari RFIning OFKga o‘tishi mumkinligiga ijobiy munosabatda. Manbaga ko‘ra, hatto Rossiyaga eng do‘stona munosabatda bo‘lmagan ayrim davlatlar vakillari ham rozilik bergan.
Qayd etilishicha, Osiyo vakillari uchun bu masalada asosiy dalillardan biri RFI OFKga o‘tishi bilan paydo bo‘ladigan yangi tijorat imkoniyatlaridir.
RFI UYEFA bilan muzokaralarda hech qanday muvaffaqiyat bo‘lmasa, OFKga o‘tish variantini ko‘rib chiqishi mumkin.
%20Kongressi%20bo%26amp%3Blsquo%3Blib%20o%26amp%3Blsquo%3Btgan%20Bahraynga%20tashrif%20buyurdi.%26amp%3Bnbsp%3B&image=%2Fimages%2Fnews%2F%D0%A0%D0%A4%D0%981.jpg&noparse=true){kind=link}