Marokashda klublar o‘rtasidagi jahon chempionati davom etmoqda. Bugun musobaqaning chorak final bosqichi doirasida Osiyo va Afrika chempionlar ligasi turnirlar g‘oliblari — "Al-Hilol" va "Vidad" klublari o‘zaro to‘qnash kelishdi.

Ikkinchi bo‘lim boshida marokashiliklar hisobni ochishgandi. Saudiyaliklar esa ikkinchi bo‘limga qo‘shib berilgan daqiqalarda penaltidan muvozanatni tiklashdi.

Qo‘shimcha bo‘limlarda hisob o‘zgarmagach, jamoalar penaltilar seriyasida ishtirok etishdi. Unda "Al-Hilol" omadliroq chiqdi va yarim finalga yo‘l oldi. Jamoa yarim finalda Braziliyaning «Flamengo» klubi bilan to‘qnash keladi.

Klublar o‘rtasida jahon chempionati, chorak final
"Vidad" (Marokash) – "Al-Hilol" (Saudiya Arabistoni) - 1:1 (penaltilar seriyasi — 3:5)
Gollar: 1:0 – 52 El-Amlud, 1:1 – 90+4, penalti Kanno.
"Vidad" – Tanyautiy, El-Amlud, Zola, Farhaniy, Attiyatuloh, Jaadiy (Junior Sambu, 95), Jabran, Daudiy, Hassuniy, Buhra (Unajem, 74), Lamkel Ze (Bussefyan, 67).
"Al-Hilol" – Al-Mayuf, Abdulhamid, Chjan Xen Su, Al-Bulayhiy, Ad-Dosariy (Al-Hamdan, 105), Kuelyar, Ad-Dosariy (Karrilyo, 83; Al-Juvayr, 113), Kanno, Maykl Richard (Vyetto, 88), Igalo (Ash-SHehri, 82), Marega.
Ogohlantirishlar: Al-Hamdan (1), Jaadiy (10), Al-Bulayhiy (10), Kanno (56), Lamkel Ze (56), Ad-Dosariy (57), Daudiy (57), Jabran (90), Unajem (90), Ash-SHehriy (116).
Chetlatishlar: Jabran (90), Kanno (95).