O‘tgan hafta Bahrayn poytaxti - Manamada OFK Kongressi bo‘lib o‘tdi.
«Futbolium» kanalida yozilishicha, kun tartibiga qo‘yilgan asosiy masalalardan biri - bu boshqaruv organlariga saylov. Taniqli mutaxassis Alisher Nikimbayev Kongressdan oldin bu borada batafsil ma’lumot ham bergandi.
***
OFK Ijroiy qo‘mitasiga hammasi bo‘lib, 30 nafar a’zo kiritilishi mumkin:
1 - prezident
5 - vise-prezidentlar (har bir hududdan 1 nafar)
6 - FIFA Kengashi a’zolari, ulardan biri ayol bo‘lishi shart
5 - ayollar Ijroiy qo‘mitasi a’zolari (har bir hududdan 1 nafar). Jumladan, FIFA Kengashi a’zosi bilan
9 - Ijroiy qo‘mita a’zolari
5 - hududiy assosiasiyalar tomonidan saylangan Ijroiy qo‘mita a’zolari (har bir hududdan 1 nafar)
Manamada yig‘iladigan Kongress Ijroiy qo‘mitaga ko‘pi bilan 25 nafar a’zo saylaydi. Bugunoq aytish mumkinki, qo‘mitada 1ta joy bo‘sh qoladi: Markaziy Osiyo mamlakatlari ayol nomzodni ilgari surmadi, baribir. Aytgancha, Ijroiy qo‘mitaga a’zo saylashda hududiy limit ham hisobga olinadi. Chunonchi, OFK prezidenti hududlar kvotasiga tushmaydi. Hududlar bo‘yicha vakillik taqsimoti:
G‘arbiy Osiyo - 6 nafar
Janubiy Osiyo - 4 nafar
Markaziy Osiyo - 3 nafar
Janubiy-SHarqiy Osiyo - 6 nafar
Sharqiy Osiyo - 5 nafar
***
Markaziy Osiyo misolida alohida tushuntiramiz. Hudud Ijroiy qo‘mitada atigi 3ta joyga ega (to‘rtinchisi Markaziy Osiyo futbol assosiasiyasiga tegishli):
1 - vise-prezident
1 - Ijroiy qo‘mita a’zosi
1 - ayol
Agar Markaziy Osiyo vakili FIFA Kengashidagi o‘rin uchun saylovda g‘alaba qozonganida, unda hudud Ijroiy qo‘mitada «oddiy» a’zo o‘rnini yo‘qotardi.
***
OFK Ijroiy qo‘mitadagi joy uchun nomzodlarning yakuniy ro‘yxatini allaqachon e’lon qilgan:
OFK prezidenti
Shayx Salman al Xalifa - alternativsiz
OFK vise-prezidentlari
«G‘arb»: Hashem Haydar - alternativsiz
Markaz: Mehdi Toj, Dastanbek Konokbayev
«Janub»: Ugen Tsechup - alternativsiz
«Janub-SHarq»: Zau Zau - alternativsiz
«Sharq»: Ganbaatar Amgalanbaatar - alternativsiz
Ayollar (biri FIFA Kengashiga saylanadi)
«G‘arb»: Susan al Shalabi - alternativsiz
«Markaz»: yo‘q
«Janub»: Mahfuza Axter - alternativsiz
«Janub-SHarq»: Kanya Keomani - alternativsiz
«Sharq»: Lyu Shix Fang, Xan Un Gyong
FIFA kengashi a’zolari
Du Jaochay
Kozo Tashima
Mong Gyu Chung
Hamidin Amin
Mariano Araneta
Shayx Hamad al Tani
Yosir al Misehal
Ijroiy qo‘mita a’zolari
«G‘arb»: Lui Umeysh, Abdulla al Rabia, Abdulla al Junaybiy
«Markaz»: Arslan Aynazarov, Ravshan Ermatov
«Janub»: Shaji Prabxakaran, Bassam Jalil, Pankaj Nembang
«Janub-SHarq»: Kris Niku, Somyot Pumpanmoung, Tran Kuok Tuan
«Sharq»: Fok Kay Shan
Ko‘rinib turibdiki, dastlabki 11ta pozisiya uchun raqobat yo‘q hisobi va deyarli barcha saylovlar alternativsiz o‘tadi. Faqat Markaziy Osiyo nomidan vise-prezident lavozimiga Mehdi Toj va Dastanbek Konokbayev hamda «Sharq»dan Ijroiy qo‘mitaga kiruvchi ikki ayol o‘rtasida kurash borada. shuningdek, FIFA Kengashidagi ayol o‘rni uchun.
Qolgani qiziqarli. FIFA Kengashi uchun qolgan 5ta joy uchun 7 nafar nomzod bor. Ayni shu saylovlar natijasi 3ta hududning Ijroiy qo‘mitada «oddiy» a’zolik uchun o‘rniga ta’sir qiladi. Misol uchun, «Sharq»dan ko‘rsatilgan 3 nafar nomzod ham FIFA Kengashiga kirsa, hududiy kvota (5ta joy) to‘ladi: 1 nafar vise-prezident, 1 nafar ayol, 3 nafar FIFA Kengashi a’zosi. Shunda Gonkongdan nomzodi ilgari surilgan Fok Kay Shan lavozimsiz qoladi. Agar FIFA Kengashiga «Sharq»dan 2 nomzod kirsa, unda faqat Fok Kay Shan Ijroiy qo‘mita a’zosiga aylanadi, biroq hudud uchun ajratilgan 1ta «oddiy» joy bo‘sh qoladi.
«Markaz» va «Janub» bo‘yicha vaziyat soddaroq. Chunki har ikki hududdan FIFA Kengashiga nomzod yo‘q, shuning uchun OFK Ijroiy qo‘mitasidagi «oddiy» joylar ma’lum: «Markaz»da 1ta va «Janub»da 2ta. Xullas, «Markaz»ning Ijroiy qo‘mitadagi yagona joyi uchun Ravshan Ermatov va Arslan Aynazarov o‘rtasida kurash boradi. Darvoqe, Manamadagi saylovlarda yutqazgan Markaziy Osiyo vakillari Ijroiy qo‘mitaga CAFA saylovi orqali ham kirishi mumkin. Lekin bunda katta ehtimolki, da’vogarlar qatoriga Tojikiston vakili ham qo‘shiladi. Saylovlarning o‘zi esa aprel oyida CAFA Kongressida bo‘ladi.
A.NIKIMBAYEV, «Futbolium»
