"Chelsi"ga yangi kelgan Noni Madueke o‘zining eng yaxshi fazilatlari haqida gapirdi.
Eslatib o‘tamiz, futbolchi yanvar oyida Eyndxovenning PSV klubidan 35 million yevro evaziga "Stemford Brij"ga o‘tgan edi. Futbolchi “Fulxem”ga qarshi kechgan va 0:0 hisobidagi durang bilan yakunlangan o‘yinda jamoa safida debyut qilgan.
"Men o‘yinimizga dinamika va hayajon qo‘shaman. Muxlislarni o‘z joylaridan turishi uchun maydonda nimadir qilishni xohlayman. Men bor e’tiborimni raqibni driblingga chalg‘itish va imkon qadar ko‘proq gol urishga qaratganman", - dedi Madueke "Chelsi" rasmiy saytiga.
Madueke "Tottenxem" tarbiyalanuvchisi, ammo "Chelsi"ga o‘tganidan beri u "ko‘klar"ni Londonning eng yaxshi jamoasi deb atagan.
