"Barselona" prezidenti Joan Laporta Kataloniya klubidagi moliyaviy qarorlar haqida gapirdi.
“Biz futbolchilarni 215 million yevroga oldik va 141 million yevroga sotdik, 74 million yevroga raqobatbardosh jamoa yaratdik. Biz ish haqi xarajatlarini 100 million yevroga kamaytirdik va shuningdek ularni yana 70 million yevroga kamaytirishni rejalashtirmoqdamiz. Ha, biz “Barselona”ni moliyaviy vayronagarchilikdan saqlab qoldik”, — deya Laporta so‘zlaridan iqtibos keltiradi Sky Sports.
"Barselona" 20 turdan keyin 53 ochko bilan La Liga turnir jadvalida peshqadamlik qilmoqda. Kataloniya klubining eng yaqin ta’qibchisi "Real Madrid" bo‘lib, ular "ko‘k-anorranglilar"dan 8 ochko ortda qolmoqda.
