"Barselona" prezidenti Joan Laporta o‘yinchilarni sotish rejalashtirilganmi yoki yo‘qmi, shuningdek, jamoaning vingeri Ansu Fati bilan ishlar qanday ketayotgani haqida gapirdi.
"Bu yozda o‘yinchi sotuvi bo‘ladimi? Bu shart emas. Biroq, har bir bozorda imkoniyatlar mavjud va biz ularni kuzatib boramiz. Ammo biz katta sotuvdan tashqari boshqa yechimlarga ega bo‘lishimiz mumkin deb o‘ylaymiz.
Ansu Fatini sotamizmi? Hozir biz bu variantni ko‘rib chiqmayapmiz. Men kelajakni bashorat qila olmayman, lekin biz undan katta umidlar kutyapmiz. Hammasi bosh murabbiyga, uning Ansuga bergan daqiqalariga va uning jamoaga qanchalik foydali bo‘lishiga bog‘liq bo‘ladi", - deya Laportaning so‘zlarini keltirgan Athletic.
