"Барселона" президенти Жоан Лапорта ўйинчиларни сотиш режалаштирилганми ёки йўқми, шунингдек, жамоанинг вингери Ансу Фати билан ишлар қандай кетаётгани ҳақида гапирди.
"Бу ёзда ўйинчи сотуви бўладими? Бу шарт эмас. Бироқ, ҳар бир бозорда имкониятлар мавжуд ва биз уларни кузатиб борамиз. Аммо биз катта сотувдан ташқари бошқа ечимларга эга бўлишимиз мумкин деб ўйлаймиз.
Ансу Фатини сотамизми? Ҳозир биз бу вариантни кўриб чиқмаяпмиз. Мен келажакни башорат қила олмайман, лекин биз ундан катта умидлар кутяпмиз. Ҳаммаси бош мураббийга, унинг Ансуга берган дақиқаларига ва унинг жамоага қанчалик фойдали бўлишига боғлиқ бўлади", - дея Лапортанинг сўзларини келтирган Athletic.
