Gabonlik markaziy hujumchi Pyer-Emerik Obameyang Londonning “Chelsi” klubini tark etib, Fransiya chempionatiga o‘tishi mumkin. Sport.es jurnalistlarining xabar berishicha, 33 yoshli afrikalik futbolchining xizmatlariga parijliklar qiziqish bildirmoqda.
Shuningdek, hujumchi faoliyatini MLSda davom ettirish imkoniyatiga ega, ammo u Yevropada qolishni afzal ko‘radi. Obameyang yo "Chelsi"dagi o‘rin uchun kurashni davom ettirish yoki boshqa top-klubga o‘tish niyatida.
Joriy mavsumda hujumchi “aristokratlar” safida 17 ta uchrashuvda ishtirok etib, 3 ta gol va bitta golli uzatmaga mualliflik qilgan.