"Manchester Siti"da yuzaga kelishi mumkin bo‘lgan moliyaviy qoidabuzarliklar tekshirilmoqda. Premyer-liga tomonidan hafta boshida e’lon qilingan ro‘yxatda 100 dan ortiq turli epizodlar mavjud. Agar "Manchester Siti" jazolansa, klubda tartibsizlik boshlanishi mumkin. Xabarlarga ko‘ra, "Barselona" bundan foydalanishi mumkin.
Ma’lumotlarga ko‘ra, kataloniyaliklar Xavi mavsum oxirigacha ishonchni oqlamasa, Gvardiolani qaytarishni ko‘rib chiqmoqchi. Shuningdek futbolchilar Rodri Ernandes va Xulian Alvaresga ham qiziqish bildirilmoqda.
Oldinroq "Manchester Siti"ga oid tergov yillarga cho‘zilishi mumkinligi xabar qilingandi.