Leverkuzenning “Bayer” klubi hujumchisi Mussa Diabi “Monako”ga qarshi Yevropa ligasi 1/16 finali birinchi o‘yinini (2:3) yakunlay olmadi. U uchrashuvning 56-daqiqasida maydonni tark etdi. Uning o‘rniga Amin Adli maydonga tushirildi.

L'Equipe nashri xabariga ko‘ra, 23 yoshli fransiyalik futbolchining paylari jarohat olgan. Qo‘shimcha tekshiruvdan so‘ng o‘yinchining qancha vaqt maydonga tusha olmasligini aniqlanadi.

Joriy mavsumda Diabi barcha turnirlarda 28 ta o‘yinda 10 ta gol urdi va 5 ta golli uzatmani amalga oshirdi.