Germaniyaning Dyusseldorf shahrida shaxmat bo‘yicha nufuzli «WR Chess Masters» turnirida hamyurtimiz Nodirbek Abdusattorov bugun 5-tur doirasida germaniyalik Vinsent Keymerga qarshi qora donalarda o‘ynadi.

Hamyurtimiz bahsning debyut qismini yaxshi o‘tkazdi va tashabbusni asta-sekin o‘z tomoniga og‘dira boshladi. Ammo Adusattorov 23-yurishda yaxshi yo‘lni ko‘rmadi va xatoga yo‘l qo‘ydi. Ammo bu paytda vaziyat teng edi. Hamyurtimiz 26-yurishda tavakkalchilik qo‘l urdi: u o‘z ruhini qurbon berib, fursatdan yutib ketmoqchi bo‘ldi. Biroq o‘ylagan rejasi ish bermadi. Yo‘qotilgan sipoh o‘yinga o‘z ta’sirini ko‘rsatmay qolmadi. Boz ustiga, 28-yurishda Nodirbek yana bir xatoga yo‘l qo‘ydi.

Abdusattorov hech bo‘lmasa durangga erishish uchun harakat qilib ko‘rdi. Lekin 52-yurishga kelib taslim bo‘lishga qaror qildi.

Ushbu mag‘lubiyat tufayli o‘zbekistonlik sportchi o‘z ochkolarini 2 ochko bilan jadvalda 9-o‘ringa tushib ketdi. Abdusattorov ertaga 6-tur doirasida hindiston Gukeshga qarshi oq donalarda o‘ynaydi.