"Manchester Siti" bosh murabbiyi Xosep Gvardiola "Leypsig"ga qarshi safar uchrashuvidan (1:1) keyin o‘z fikrlari bilan o‘rtoqlashdi.
“Raqib kuchliroq pressing qila boshlaganida bizda muammolar paydo bo‘la boshladi. O‘tkazib yuborilgan goldan so‘ng o‘zimizni yig‘ishtirib oldik va o‘yinni munosib yakunladik. Yaxshi natija, endi hammasi Manchesterda hal bo‘ladi.
Nafaqat birinchi bo‘limdan, balki butun o‘yindan mamnunman, nima kutgan edingiz? Sizningcha, biz o‘rtoqlik o‘yiniga kelgandek 5:0 hisobida g‘alaba qozonishimiz kerak edimi? "Leypsig"ning nechta o‘yinini ko‘rgansiz? Bu Chempionlar ligasi va ba’zi yirik klublar allaqachon guruh bosqichida turnirdan chiqib ketishgan", - dedi Gvardiola BT Sport nashriga bergan intervyusida.
