"Манчестер Сити" бош мураббийи Хосеп Гвардиола "Лейпциг"га қарши сафар учрашувидан (1:1) кейин ўз фикрлари билан ўртоқлашди.
“Рақиб кучлироқ прессинг қила бошлаганида бизда муаммолар пайдо бўла бошлади. Ўтказиб юборилган голдан сўнг ўзимизни йиғиштириб олдик ва ўйинни муносиб якунладик. Яхши натижа, энди ҳаммаси Манчестерда ҳал бўлади.
Нафақат биринчи бўлимдан, балки бутун ўйиндан мамнунман, нима кутган эдингиз? Сизнингча, биз ўртоқлик ўйинига келгандек 5:0 ҳисобида ғалаба қозонишимиз керак эдими? "Лейпциг"нинг нечта ўйинини кўргансиз? Бу Чемпионлар лигаси ва баъзи йирик клублар аллақачон гуруҳ босқичида турнирдан чиқиб кетишган", - деди Гвардиола BT Sport нашрига берган интервьюсида.
