Diyego Simeonening "Atletiko Madrid"dagi davri nihoyasiga yetmoqda. Jurnalist Xavi de la Penya xabariga ko‘ra, “matraschilar” “Barselona”ning sobiq ustozi Luis Enrike bilan bog‘lanib, ispaniyalik mutaxassisga 3 yillik shartnoma taklif qilgan.
Ispaniya terma jamoasining sobiq murabbiyi hozircha o‘z javobini berishga ulgurmadi, ammo Madrid klubi Enrike taklifni qabul qilishiga umid qilmoqda. Eslatib o‘tamiz, hozirgi jamoa bosh murabbiyi Diyego Simeone 2011 yildan buyon "Atletiko Madrid"ni boshqarib kelmoqda va shundan buyon u ikki marta "matraschilar" bilan La Liga chempionligini qo‘lga kiritgan va shuncha marta jamoani Chempionlar Ligasi finaliga olib chiqqan.
"Atletiko" ayni damda Ispaniya chempionatida to‘rtinchi o‘rinda bormoqda. Chempionlar ligasining guruh bosqichida “matraschilar” so‘nggi o‘rinni egalladi va Simeone davrida ilk marta mavsumning bahorgi qismida yevrokuboklarsiz qolishdi.
