"Nyukasl" yozgi transfer oynasida tarkibini kuchaytirmoqchi. "Yuventus" hujumchisi Dushan Vlaxovich ingliz klubi qiziqishlari doirasida. Tuttojuve xabariga ko‘ra, inglizlar 23 yoshli serbiyalik futbolchining transferi uchun 75 million yevrolik taklif tayyorlamoqda.
Shu bilan birga, bunday taklif "Yuventus"ga to‘g‘ri kelmasligi mumkin, chunki turinliklar Dushan Vlaxovich uchun ko‘proq pul to‘lagan.
Transfermarkt portali ekspertlari Dushanni 80 million yevroga baholamoqda. 2022/2023 yilgi mavsumda serbiyalik futbolchi 24 uchrashuvda 10 ta gol urdi va 4 ta golli uzatmani amalga oshirdi.
