"Ньюкасл" ёзги трансфер ойнасида таркибини кучайтирмоқчи. "Ювентус" ҳужумчиси Душан Влахович инглиз клуби қизиқишлари доирасида. Tuttojuve хабарига кўра, инглизлар 23 ёшли сербиялик футболчининг трансфери учун 75 миллион евролик таклиф тайёрламоқда.
Шу билан бирга, бундай таклиф "Ювентус"га тўғри келмаслиги мумкин, чунки туринликлар Душан Влахович учун кўпроқ пул тўлаган.
Transfermarkt портали экспертлари Душанни 80 миллион еврога баҳоламоқда. 2022/2023 йилги мавсумда сербиялик футболчи 24 учрашувда 10 та гол урди ва 4 та голли узатмани амалга оширди.