"Manchester Siti" yarim himoyachisi Ilkay Gyundogan hali ham kelajagi borasida bir qarorga kelmagan. Eslatib o‘tamiz, mavsum yakunida futbolchi "shaharliklar"ni erkin agent sifatida tark etishi mumkin.

Jurnalist Fabrisio Romanoning so‘zlariga ko‘ra, Gyundogan karerasini davom ettirish imkoniyatlarini o‘rganishda davom etmoqda. Avvalroq Ilkayning tekin transferi uchun asosiy da’vogar “Barselona” ekanligi haqida xabarlar tarqalgan edi.

Bosh murabbiy Xosep Gvardiola 32 yoshga to‘lganiga qaramay, yarim himoyachini o‘z jamoasida saqlab qolmoqchi.