Madridning “Real” klubi skautlar xizmati rahbari Xuni Kalafat Dortmundning “Borussiya” klubi va Angliya terma jamoasi yarim himoyachisi Jud Bellingemning otasi bilan uchrashdi.
Footmercato xabariga ko‘ra, futbolchining otasi va Madrid klubi vakili Londondagi "Chelsea Harbor" mehmonxonasida uchrashuv o‘tkazgan, unda Kalafat klub loyihasini taqdim etgan va Bellingemning undagi o‘rni haqida gapirgan.
Bellingemning potensial transferi yarim himoyachilar Luka Modrich va Toni Kroosning "Real Madrid"dagi noaniq istiqbollari bilan bog‘liq.
Kelishuv kamida 100 million yevro bo‘lishi kutilmoqda.
19 yoshli Bellingem joriy mavsumda dortmundliklar safida 31 ta o‘yinda maydonga tushib, 10 ta gol va 7 ta golli uzatmani amalga oshirdi.