Madridning “Real” klubi 35 yoshli fransiyalik Karim Benzema o‘rniga kimni transfer qilish borasida bir qarorga keldi. Insayder Ekrem Konurning so‘zlariga ko‘ra, "qirollik" klubining maqsadi Argentina terma jamoasi va "Inter" hujumchisi Lautaro Martines.
"Qaymoqranglilar" "neradzurrilar" vakillari bilan 25 yoshli futbolchining transferi masalasini muhokama qilishdi. Milanda ular Martinesni 80 million yevroga sotishga tayyor ekanliklarini aytishdi. Madridliklar "Inter" rahbariyatining moliyaviy talablarini qondirishga tayyor.
Lautaro joriy mavsum A Seriyada 25 ta o‘yinda maydonga tushib, 14 ta gol va 3 ta golli uzatmaga mualliflik qilgan.