Мадриднинг “Реал” клуби 35 ёшли франциялик Карим Бензема ўрнига кимни трансфер қилиш борасида бир қарорга келди. Инсайдер Экрем Конурнинг сўзларига кўра, "қироллик" клубининг мақсади Аргентина терма жамоаси ва "Интер" ҳужумчиси Лаутаро Мартинес.
"Қаймоқранглилар" "нерадзуррилар" вакиллари билан 25 ёшли футболчининг трансфери масаласини муҳокама қилишди. Миланда улар Мартинесни 80 миллион еврога сотишга тайёр эканликларини айтишди. Мадридликлар "Интер" раҳбариятининг молиявий талабларини қондиришга тайёр.
Лаутаро жорий мавсум А Серияда 25 та ўйинда майдонга тушиб, 14 та гол ва 3 та голли узатмага муаллифлик қилган.