"Liverpul" yarim himoyachisi Fabinyo vatandoshi Roberto Firminoning joriy mavsum yakunida ingliz klubini tark etish qarori haqida gapirdi.
“Firmino juda o‘ziga xos yigit. U bilan bir jamoada bo‘lish ajoyib. Demak, men uchun u "Liverpul"da abadiy qolishi kerak bo‘lgan futbolchi", dedi Fabinyo.
Firmino 2015 yildan buyon "Liverpul"da to‘p tepadi. "Qizillar" tarkibida braziliyalik hujumchi Premyer-liga va Chempionlar ligasida g‘olib chiqdi. Joriy mavsumda 31 yoshli hujumchi 27 ta uchrashuvda 10 ta gol urdi va 5 ta golli uzatmani amalga oshirdi.