Marko Asensio va "Real" yangi shartnoma bo‘yicha maosh borasida kelisha olishmayapti.

Marca nashri xabariga ko‘ra, tomonlar hamkorlikni davom ettirishni istashmoqda, biroq yangi kelishuvga ko‘ra Asensioning maoshi borasida kelisha olmayapti. Marko soliqlardan keyin yiliga 6 million yevro olishni istaydi va "Real" unga 4 million sof to‘lashga tayyor emas. Madridliklar taklifni ko‘tarish niyatida emas, chunki ular Asensioning o‘tgan yillardagi o‘yinini va kelajakda klubga nima olib kelishi mumkinligini baholamoqda.

"Real" vingerni o‘zida saqlab qolishni istaydi, lekin yuqori narxda emas. Endi u shubhasiz asosiy tarkib o‘yinchisi maqomini yo‘qotgan futbolchi hisoblanadi.

Asensio har doim "Real" bilan shartnomasini yangilashni xohlagan, ammo klub uni saqlab qolish uchun ko‘proq harakat qilishini kutgan. Marko tez-tez o‘ynashni xohlaydi, biroq uning shartnomasi bo‘yicha unga maydonda ma’lum miqdordagi daqiqalar kafolatlanmasligini tushunadi. Unga Madriddagi maqomini mustahkamlaydigan yuqori maoshli shartnoma taklif qilinishi kutilgandi.

Joriy mavsumda 27 yoshli futbolchi "Real" safida 31 o‘yinda maydonga tushib, 6 gol va 5 golga assistentlik qilgan.