Ertadan U20 Osiyo kubogining chorak final bahslari start oladi. Bugun Iroq terma jamoasi murabbiyi Emad Muhammad uchrashuvdan oldingi matbuot anjumanida ishtirok etdi.
«Ikkinchi bosqich juda qiyin bo‘lishi barchaga sir emas. Axir bu chorak final, jahon chempionatiga bir qadam yo‘l qoldi degani. Barchasiga tayyormiz deb o‘ylayman. Hozircha to‘liq ishonchim komil.
Raqibning barcha o‘yinlarini kuzatib chiqdim. Ularga hurmat keltiraman. Yigitlarni so‘nggi soniyalargacha yuqori tempda ushladim. Teng o‘yin bo‘lishini kutyapman. Chunki Eron Osiyoning eng kuchli jamolaridan biri. Ular Avstraliya, Janubiy Koreya hamda Yaponiya qatorida yuqori saviyada tilga olinadi. Biroq Jahon chempionatiga chiqishga umidimiz bor.
Bitta xato hamma narsani hal qiladi, shunga qaramay tavakkal qilishga ham majbur bo‘lamiz. Biroq raqibda ham xato bo‘ladi. Uni kutamiz hamda o‘z vaqtida foydalanishga harakat qilamiz. Ertangi bahs shubhasiz, finalga aylanadi. Bugun tayyorgarlik uchun oxirgi kun.
Ammo mashg‘ulot maydonlaridan hafsalam pir bo‘ldi. Bu maksimal formaga chiqishga biroz halaqit beradi. Ruhiy tomondan tayyorlanishda qiyinchilik bo‘lmadi. Chunki Eron bilan azaldan yaqinmiz. Ertaga kuchli derbi guvohiga aylamamiz», — dedi murabbiy.
