Londonning “Chelsi” klubi Milanning “Inter” klubi va Xorvatiya terma jamoasi yarim himoyachisi Marselo Brozovichga qiziqish bildirmoqda, deb xabar beradi Sport.es.
Manbaning xabariga ko‘ra, ingliz klubi yozgi transfer oynasida futbolchini sotib olish variantini ko‘rib chiqmoqda. Oldinroq xorvatiyalik futbolchiga "Barselona" ham qiziqish bildirayotgani haqida xabarlar tarqalgan edi.
30 yoshli Brozovich joriy mavsum “Inter” safida barcha turnirlarda 18 ta o‘yinda maydonga tushib, 2 ta gol urdi. Uning klub bilan shartnomasi 2026 yilning yoziga qadar mo‘ljallangan.