"PSJ" hujumchi Kilian Mbappega kelajagi borasida qaror qabul qilish uchun vaqt berdi. The Athletic xabariga ko‘ra, Parij jamoasi may oyi oxirigacha o‘z tarixidagi eng yaxshi to‘purardan kelajagi borasida xabar olishni kutmoqda.
"PSJ" Chempionlar ligasini tark etgach, matbuotda Mbappe kelasi mavsum boshiga qadar klubini o‘zgartirish istagi borligi haqida mish-mishlar tarqala boshladi. Eslatib o‘tamiz, Kilian "PSJ" bilan shartnomasini bir yildan kamroq vaqt oldin uzaytirgan edi.
"Real Madrid" kelasi yozda yana hujumchini o‘z safiga qo‘shib olishga urinib ko‘rishi mumkin. Agar Mbappe 2024 yilgacha mo‘ljallangan shartnomasini uzaytirishdan bosh tortsa, "PSJ" kelajakda uni erkin agent sifatida yo‘qotmaslik uchun uni qo‘yib yuborishi mumkin.
