"ПСЖ" ҳужумчи Килиан Мбаппега келажаги борасида қарор қабул қилиш учун вақт берди. The Athletic хабарига кўра, Париж жамоаси май ойи охиригача ўз тарихидаги энг яхши тўпурардан келажаги борасида хабар олишни кутмоқда.
"ПСЖ" Чемпионлар лигасини тарк этгач, матбуотда Мбаппе келаси мавсум бошига қадар клубини ўзгартириш истаги борлиги ҳақида миш-мишлар тарқала бошлади. Эслатиб ўтамиз, Килиан "ПСЖ" билан шартномасини бир йилдан камроқ вақт олдин узайтирган эди.
"Реал Мадрид" келаси ёзда яна ҳужумчини ўз сафига қўшиб олишга уриниб кўриши мумкин. Агар Мбаппе 2024 йилгача мўлжалланган шартномасини узайтиришдан бош тортса, "ПСЖ" келажакда уни эркин агент сифатида йўқотмаслик учун уни қўйиб юбориши мумкин.
