«Барселона» ярим ҳимоячиси Фермин Лопес жароҳат олганидан сўнг руҳий жиҳатдан қийин даврни бошдан кечирмоқда. Бу ҳақда клубга яқин манбалар хабар бермоқда.
Маълумотларга кўра, ёш футболчи кутилмаган жароҳат сабаб қаттиқ тушкунликка тушиб қолган. У олдинда турган жарроҳлик амалиётидан олдин ўз туйғуларини тартибга солиб олиш ва ортиқча босимдан қочиш мақсадида бир неча кун давомида ҳеч ким билан кўришмай, ёлғиз қолишга қарор қилган.
Эслатиб ўтамиз, 23 ёшли футболчи жароҳат сабаб 2 ойга яқин муддатни ўтказиб юборади. У шу сабабли мундиалда қатнашмайди.
