Симоне Индзаги "Ал-Ҳилол" бош мураббийи лавозимини тарк этади. Биринчи навбатда, бунга раҳбариятнинг кутилган натижани бермаган баъзи трансферлардан қониқмагани сабаб бўлади. Ушбу футболчилар айнан мутахассиснинг талаби билан сотиб олинган эди.
Бундан ташқари, "Ал-Ҳилол"да раҳбарият алмашди. Янги хўжайинлар бошқа мутахассисга ишонч билдиришни режалаштирмоқда, деб хабар бермоқда Tuttomercatoweb нашри.
33 та турдан сўнг "Ал-Ҳилол" Саудия Арабистони чемпионати турнир жадвалида иккинчи ўринни эгаллаб турибди. Жамоа пешқадам "Ан-Наср"дан икки очкога ортда қолмоқда ва ҳали ҳам чемпионлик унвони учун имкониятларини сақлаб турибди.
