«Челси» ҳужумчиси Жоао Педро Бразилия терма жамоасининг жаҳон чемпионати учун якуний қайдномасига киритилмади. «Селесао» бош мураббийи Карло Анчелотти ўз қарори юзасидан изоҳ берди.
«Якуний таркибга кирмай қолган футболчилар учун жуда афсусдаман. Бундан чин дилдан хафаман. Андрей Сантос, Жоао Педро... Уларда келажакда имкониятлар бўлади. Ишонинг, Жоао Педро учун кўнглим оғрияпти. Бундай мавсумдан кейин у, эҳтимол, жаҳон чемпионатига боришга лойиқ эди. Бироқ, барча ҳурматни сақлаган ҳолда ва юқори рақобатни инобатга олиб, биз бу позицияга бошқа ўйинчиларни танладик. Аммо Жоао Педро учун ҳақиқатан ҳам афсусдаман», — деди Анчелотти журналистларга.
