Braziliya terma jamoasi va «Barselona» yarim himoyachisi Rafinya Dias Angliya Premyer-ligasiga qaytishi mumkin.

Diario Sport xabariga ko‘ra, «ko‘k-anorranglilar» klubdagi og‘ir moliyaviy ahvol tufayli futbolchini transferga qo‘yishi mumkin.

Rafinyaga da’vogarlar orasida Londonning «Chelsi» va «Nyukasl» klublari bor. O‘z navbatida, «Barselona» 26 yoshli vinger uchun taxminan 65 million yevro to‘lasa, u bilan xayrlashishga tayyor.

Rafinya joriy mavsumda 23 ta o‘yinda maydonga tushib, 5 ta gol va 4 ta golli uzatmaga mualliflik qilgan.