«Manchester Siti» yarim himoyachisi va sardori Kevin De Bryuyne «RB Leypsig»ga qarshi Chempionlar ligasi 1/8 final javob o‘yinidan oldingi fikrlari bilan o‘rtoqlashdi va turnirdagi g‘alaba uning jamoasini yanada kuchaytiradimi, degan savolga javob berdi.

«Bu qiyin o‘yin bo‘ladi, «Leypsig» ajoyib klub. Biz ular bilan o‘tgan yili uchrashganmiz va ular yaxshi futbolchilarga ega.

Men shiddatli va shijoatli o‘yin kutaman. Chempionlar ligasida g‘alaba qozonishni istasak, Yevropaning eng yaxshi jamoasi bo‘lishimiz kerak.

Biz chorak final va yarim finalda edik, ammo yakuniy bosqichga chiqa olmadik. Biz har yili harakat qilamiz, lekin nimadir yetishmaydi.

Chempionlar ligasi g‘olibligi jamoamizni kuchaytiradimi? Yo‘q. Men bunday deb o‘ylamayman. Agar biz Chempionlar ligasida g‘alaba qozonsak va boshqa hech narsa bo‘lmasa, bizni Yevropaning eng yaxshisi deb atash mumkin, lekin... bilmayman.

Liganing eng yaxshi jamoasi bo‘lish uchun qanday me’zonlar mavjud? Har kimning o‘z fikri bor va biz har yili eng yaxshi bo‘lishni xohlaymiz», - dedi De Bryuyne.