«Манчестер Сити» ярим ҳимоячиси ва сардори Кевин Де Брюйне «РБ Лейпциг»га қарши Чемпионлар лигаси 1/8 финал жавоб ўйинидан олдинги фикрлари билан ўртоқлашди ва турнирдаги ғалаба унинг жамоасини янада кучайтирадими, деган саволга жавоб берди.

«Бу қийин ўйин бўлади, «Лейпциг» ажойиб клуб. Биз улар билан ўтган йили учрашганмиз ва улар яхши футболчиларга эга.

Мен шиддатли ва шижоатли ўйин кутаман. Чемпионлар лигасида ғалаба қозонишни истасак, Европанинг энг яхши жамоаси бўлишимиз керак.

Биз чорак финал ва ярим финалда эдик, аммо якуний босқичга чиқа олмадик. Биз ҳар йили ҳаракат қиламиз, лекин нимадир етишмайди.

Чемпионлар лигаси ғолиблиги жамоамизни кучайтирадими? Йўқ. Мен бундай деб ўйламайман. Агар биз Чемпионлар лигасида ғалаба қозонсак ва бошқа ҳеч нарса бўлмаса, бизни Европанинг энг яхшиси деб аташ мумкин, лекин... билмайман.

Лиганинг энг яхши жамоаси бўлиш учун қандай меъзонлар мавжуд? Ҳар кимнинг ўз фикри бор ва биз ҳар йили энг яхши бўлишни хоҳлаймиз», - деди Де Брюйне.