"Roma" yarim himoyachisi Brayan Kristante klub bilan shartnomasini 2027 yilgacha uzaytirdi, deb xabar beradi Calciomercato.
Manbaga ko‘ra, futbolchining maoshi yiliga 3 million yevroni, qo‘shimcha ravishda bonuslarni tashkil qiladi.
Uning rimliklar bilan amaldagi shartnomasi 2024 yilning yozida yakuniga yetar edi.
28 yoshli italiyalik futbolchi joriy mavsumda “Roma” safida 36 ta o‘yinda maydonga tushib, 1 ta gol urdi va 2 ta golli uzatmani amalga oshirdi.